തലക്കെട്ടില്ലാതെ

ചിലപ്പോൾ ഹൃദയത്തിനു മേൽ
കറുത്ത തുണി മൂടുന്ന നാട്യക്കാരൻ
ചിലപ്പോൾ അകം പൊള്ളയാക്കി
വെളുക്കെ ചിരിക്കുന്ന കോമാളി
ചിലപ്പോൾ തലച്ചോറിലെ ജീവാണുക്കൾക്ക്‌
ശ്വാസം നിഷേധിക്കുന്ന കൊലപാതകി
ചിലപ്പോൾ കാറ്റിനെപ്പോലും
ഭയക്കുന്ന ഭീരു
ചിലപ്പോൾ ചിന്തകളുടെ കുതിരമേൽ
ചാട്ടയെറിയുന്ന നിഷേധി
ഇരുളുപാകിയ ചക്രവാളം
ആർദ്ദ്രതയറ്റ മണ്ണ്‌
ഞാനെനിക്കു തന്നെ അദൃശ്യൻ